Competencias e experencias relevantes para o proxecto
A Universidade do Porto conta cunha ampla experiencia no ámbito da investigación, contando cun Centro de Investigação Transdisciplinar «Cultura, Espaço e Memória» (CITCEM) e o Grupo de Fonologia, integrado no Centro de Linguística. Ten tamén experiencia por participar en CITCEM que deseñou o plan de acción sobre o desenvolvemento do estudo do patrimonio no Norte: museos, monumentos e públicos. Tamén no proxecto financiado pola European Science Foundation: “ European historical population samples network”. Estes son exemplos de investigación realizada. Conta con investigadores con experiencia e que son participantes en equipos de investigación nacionais e internacionais.
Cal é o interese da organización en participar no proxecto
Este proxecto está aliñado coas competencias da U.Porto, pois estas refírense á investigación científica e creación cultural e artística, involucrando o descubrimento, adquisición e desenvolvemento de coñecementos e prácticas, así como a conservación e divulgación do patrimonio científico, cultural e artístico para utilización por especialistas e público, e como medio para o intercambio cultural, científico, artístico e técnico con institucións nacionais e estranxeiras. A súa participación permitirá tamén potenciar as capacidades do equipo participante, achegando beneficios para a institución, pois proporcionará experiencia relevante nun ámbito considerado fundamental.
Experiencia na xestión de proxectos cofinanciados pola UE ou outros proxectos internacionais
Conta con ampla experiencia en participación de proxectos rexionais, nacionais, internacionais. Actualmente participa en máis de 800 proxectos tanto como BP ou socio, incluíndo un gran número de proxectos de I+D+i (FP7, H2020). Conta ademais cunha participación significativa en programas de educación e formación continua, así com proxectos de cooperación territorial europea. Entre 2007 e 2013, o seu financiamento como participación en 13 proxectos INTERREG foi de 2,8 millóns €, coordinando 3 deles (máis de 1,2 millóns €). Dos 13 proxectos a maioría foron de cooperación transfronteiriza ( aprox. 1,2 millóns €) e transnacional (máis de 1,3 millóns €). O restante foi cooperación interrexional.